LAOAG CITY – Inbilin ni Presidente Ferdinand Marcos Jr. ni newly appointed Department of Trade and Industry (DTI) Acting Secretary Ma. Cristina Aldeguer-Roque nga ipangato ti competitiveness ti Micro, Small and Medium Enterprises sector ti pagilian.
Kasapulan nga agusar ti Micro, Small and Medium Enterprises kadagiti digital tool tapno mapapigsa ti competitiveness-da.
Naammoan a mangipatugpal ti Department of Trade and Industry ti five-point strategy para iti Micro, Small and Medium Enterprises ken paset daytoy ti panangtutok iti digitalisasion ken artificial intelligence (AI), diversification, ken probision ti pundo.
Kabayatanna, gapu ta ti Pilipinas ket maipagarup a bukbuklen ti nasurok pito a ribu nga isla, nasken nga agbalin a digital dagiti negosio makailako ti produkto ken makaipadanon ti mensahe kadagiti amin a consumer.
