LAOAG CITY – Umannugot ni Pres. Ferdinand Marcos Jr. ti plano dagiti agpanpanday linteg a tingitingen a naimbag dagiti flood control project ti gobierno gapu iti nakaro a layos gubuay iti Bagyo Kristine.
Dinakamat ni Pres. Marcos dagiti flood control projects ti pagilian ket “overwhelmed” gapu iti napigsa a tudo.
Inpasigurado met ni Senate President Francis “Chiz” Escudero a saludsuden dagiti Senador dagiti maseknan nga ahensia ti gobierno no ania ti napasamak iti multi-bilyon a pundo para kadagiti flood control projects.
Immunan nga inbatad ni Escudero a dumanon iti P255 bilyon ti nailatang para kadagiti flood control projects ti Department of Public Works and Highways (DPWH) iti P5.768-trillion national budget para iti 2024.
