LAOAG CITY – Pinirmaanen ni Presidente Ferdinand “Bongbong” Marcos Jr. ti Basic Education Mental Health and Well-Being Promotion Act, maysa a naisangsangayan a linteg a nakapokus kadagiti mental health programs kadagiti pagadalan.
Ti baro a linteg ket manglukat pay iti plantilla positions para kadagiti school counselors.
Nakailanad pay iti linteg ti pannakaipasdek ti Comprehensive School-Based Mental Health Program para kadagiti amin a pampubliko ken pribado a pagadalan, agraman dagiti probision para kadagiti out-of-school children.
Mainaig iti daytoy, patien ni Pres. Marcos nga iti babaen tumi nasao a linteg ket ad-adda a maipangpangruna ti mental health awareness ken mangtaming kadagiti mental health concerns.
