LAOAG CITY – Pabor ni Presidente Ferdinand Marcos Jr. a maisuro ti sex education kadagiti pagadalan.
Inbatadna a gapu iti umad-adu a kaso ti teenage pregnancy, single mother pakairamanan dagiti sakit nga adda ti pakainaiganna ket napateg a maisuro daytoy kadagiti pagadalan.
Inlawlawagna a no agtutubo pay laeng ti ina ket saanna a kabaelan nga aywanan dagiti ubbing ken dakkel a parikot ti pangalaanna iti inaldaw-aldaw a taraon.
Kunana a dagitoy a situasion ti masapol a maikkan ti naan-anay a solusion babaen iti panangisuro ti sex education.
Malaksid it daytoy, inpetteng ti Presidente a masapol a maimpormaran a naimbag dagiti agtutubo maipanggep iti posible nga epekto ti nasapa a panagsikog.
