LAOAG CITY – Inpanamnama ni President Donald Trump ti panangipatungpal na iti 25% import tax iti amin nga asero ken aluminum a sumrek iti Estados Unidos.
Rumrumuar a ti kangrunaan a maapektaran iti nasao nga addang ket iti Canada.
Inpalgak pay ni Trump nga iwaragawag na pay kadagiti sumarsaruno nga aldaw ti reciprocal tariffs iti amin a pagilian a nangipataw ti tax imports dagiti produkto manipod iti Estados Unidos.
Nupay kasta, saanen a dinakamat ni Trump dagiti nasyon a puntirya ti reciprocal tariffs.
Inpetteng na a no patawan dagiti nagduduma a pagilian ti taripa dagiti produkto ti Amerika ket isumet ti aramiden da.
