LAOAG CITY – Mamati ni President Donald Trump a magun-od ti Estados Unidos ti Greenland kalpasan nga inwaragawag na nga interesado a mangkontrol ti autonomous Danish territory.
Segun ken ni Presidente Trump, a ti isla ket addaan ti 57 a ribo a residente no sadinno a dagitoy ket kayatda ti mairaman iti Amerika.
Inaramid daytoy ti US President kalpasan nga adda ti rakurak ni Danish Prime Minister Mette Frederiksen a saan a mailako ti Greenland.
Inpetteng pay ti Danish Prime Minister a ti Greenland ket para kadagiti Greenlanders ken ti laeng lokal a populasyon ti kakaisuna a mangdeterminar ti masakbayan da.
Maipalagip nga uray idi 2019 nga immuna a termino ni Trump ket kinalikagoman na a gatangen ti Arctic territory ken kunana a kasapulan a kontrolen ti Estados Unidos ti Greenland para iti “for international security.
