LAOAG CITY – Nakasagana ni President Ferdinand ”Bongbong” Marcos Jr. a dumalan iti lifestyle check.
Daytoy ti inbatad ni Palace Press Officer Undersecretary Claire Castro kabayatan ti press briefing.
Segun ken ni Castro, amin a miembro ti Executive branch ti gobierno ket nakasagana a mangisumitir ti bagbagi da para iti lifestyle checks.
Rakurak daytoy ni Castro kalpasan nga inpeksa dagiti naruay nga agpanpanday linteg ti suporta da iti pannakaipatungpal ti lifestyle check nga inbilin ni Presidente Marcos kabayatan ti imbestigasyon kadagiti naruay a palpak ken maanomalya a the flood control projects.
Kagiddan iti daytoy, inpetteng dagiti oposisyon nga agpanpanday linteg a masapol nga idaulwan ni Presidente Marcos ti maipatungpal a lifestyle check.
Inrakurak ni Castro a makaammon ti Office of the Ombudsman no kasanu a maipatungpal ti lifestyle checks kadagiti maseknan nga opisyal ti gobierno.
