LAOAG CITY – Kinanselar amin ni Ukrainian President Volodymyr Zelensky ti foreign trips na kalpasan a pinaigetan ti Russia ti opensiba da iti north-east Ukraine.
Daytoy ti inwaragawag ni Press secretary Sergiy Nykyforov.
Kuna na nga adda ti direktiba ni President Zelensky nga amin nga international events nga atendaran na koma ket maitantan paylaeng ken makikoordinar da para iti pannakabalbaliw ti schedule.
Naituding koma nga agbiyahe ni Zelensky intono bigat tapno makipagkita ken ni King Felipe VI idiay Madrid, Spain.
Immuna iti daytoy, nangiyuswat ti baro a panagatake ti Russia kontra iti Ukraine kangrunaan na iti asideg ti Kharkiv a maysa kadagiti kadakkelan a ciudad iti nadakamat a pagilian.
Gapu iti daytoy, inikkat ti Ukraine dagiti tropa da manipod kadagiti villages iti border region ken inkabil da dagitoy iti “advantageous positions”.
Kabayatanna, inpasingked ni US Secretary of State Antony Blinken a nayunan da pay ti $2 billion ti tulong nga ipaay da iti Ukraine.
