LAOAG CITY – Sinuspenso ti Constitutional Court iti Thailand ni Prime Minister Paetongtarn Shinawatra kabayatan ti kumarkaro a pannaka-pressure na nga agresign kalpasan a nag-leaked ti phone conversation da ken ni dati a Cambodian leader Hun Sen.
Iti clip, inawagan ni Paetongtarn ni Sen nga “uncle” ken krinitikar na ti Thai military commander a nangitunda ti panagpungtot dagiti rinibo a residente ken ipanpanawagan da ti pannakaikkat na iti serbisyo, banag nga inkonsiderar met ti korte.
Ni Paetongtarn ti maikatlo a politiko iti nabileg a Shinawatra clan a nangdominar ti pulitika iti Thailand iti napalabas a dua a dekada ti napukawan ti bileg sakbay a malpas ti termino da.
Ti agar-ari a koalisyon ti nasuspenso a prime minister ket immakar iti bassit a mayorya kalpasan a inabandonar ti kangrunaan a konserbatibo a kaalyado na addan dua a lawas ti napalabas.
