LAOAG CITY – Saan nga iyendorsar ni Presidente Rodrigo Duterte ni dati a senador Ferdinand Marcos Jr. kas president na intono May 9, 2022 elections uray running mate daytoy ti anak na a ni Mayor Sarah Duterte-Carpio.
Daytoy ti inbatad ni Communications Secretary Martin Andanar gapu ta kayat ti presidente ti agbalin a neutral para iti nasao a banag.
Segun ken ni Andanar, nadakamat ni Presidente Duterte a naminsan da laeng a nagsarita iti anak na maipanggep iti pulitika, addan sumagmamano a bolan ti napalabas ngem saannan nga inbuksilan ti napagsaritaan da gapu ta para kenkuana ket para laengen kadakuada nga agama.
Immunan nga inrakurak ni Mayor Sara a mangnamnama a suportaran ti amana ti kandidatura na ken ti katandem na a ni dati a senador Marcos.
Nupay kasta, adda ti inyendorsar ni Presidente Duterte a sumagmamano a senatorial candidates iti PDP-Laban faction para iti mapaspasangasangan nga eleksyon.
