LAOAG CITY – Inbilin ni Presidente Ferdinand Marcos Jr. iti Philippine National Police (PNP) a papigsaen pay ti police visibility kadagiti kalsada tapno malapdan ti aniaman a krimen ken mangipatungpal ti maysa nga unified emergency hotline tapno makapagresponde a dagus iti aniaman nga insidente.
Iti podcast interview, inmandar ni Presidente Marcos iti Department of the Interior and Local Government ken Philippine National Police nga ad-adda pay nga agbalin a naasideg kadagiti tattao ken iti publiko.
Inpetteng ti presidente a napateg ti presensiya dagiti pulis iti kalsada gapu ta mangipaay daytoy ti kumpiyansa kadagiti tattao nga isuda ket natalged.
Inaramid dayto ti presidente kalpasan a naobserbaran na iti agdama nga emergency numbers nga arigna mangitunda ti pannakaulaw isut gapuna a kayatna a maaddaan ti single crisis hotline wenno emergency hotlines.
