LAOAG CITY – Inpasigurado ni Presidente Ferdinand Marcos nga agtultuloy ti Public Utility Vehicle modernization program iti baet ti panawag ti 22 a senador a masuspenso daytoy.
Segun ken ni Presidente Marcos, saan nga umanamong iti rekumendasyon dagiti senador gapu ta 80 a porsienton dagiti kooperatiba a nagpa-consolidate ken 20 a porsiento laengen ti saan.
Inpetteng ti Presidente a saan a mabalin nga ag-adjust ti majority iti minority isut gapuna nga awanen ti makalapped iti Public Utility Vehicle modernization program.
Inlawlawag ni Presidente Marcos a saan a mabalin a ti 20 a porsiento a saan pay a nagpa-consolidate ti agdesisyon iti biag ti 100 percent.
Inpaganetget ni Presidente Marcos a majority ti denggen na isut gapuna nga awan ti pannakasuspenso ti nasao a progrma.
Nagyaman met ti Department of Transportation ken ni Presidente Marcos gapu iti suporta na iti Public Utility Vehicle modernization program.
