LAOAG CITY – Nangilatang ni Presidente Sergio Mattarella iti Italy ti 7.5 a bilyon a Euro wenno katukad ti 426 a bilyon a piso para kadagiti pamilya nga apektado ti corona virus disease, agraman dagiti negosyo ken overseas Filipino workers.
Iti report ni Bombo International Correspondent Demetrio Bong Rafanan idiay Rome, Italy, nagbitla ni Presidente Mattarella iti kaunaan a gundaway bayat ti sangsanguen da a problema iti COVID-19.
Segun kenni Rafanan, inrakurak tiu presidente a kasapulan ti panagkaykaysa dagiti tattao a sanguen ti problema ti coronavirus babaen iti panangsurot da dagiti pakammo ken addang ti gobyerno kontra ti virus.
Maipalagip a nagrekep dagiti sumagmamano a negosyo dagiti Chinese, hotel, restaurant, pagadalan ken dadduma pay gapu ti COVID-19.
