LAOAG CITY – Pinadisi ti Kongreso ti Peru ni interim President José Jerí kalpasan ti uppat a bolan a panagtakem na gapu iti saanna a panangipublikar dagiti pannakitaripnong na kadagiti negosyante a Chinese.
Napasamak ti iskandalo iti napalabas a bolan kalpasan a rimuar dagiti video mainaig iti pannakitaripong ti interim president iti ruwar ti opisyal nga schedule na kadwa na ti negosyante a ni Zhihua Yang, nga adda iti babaen ti government scrutiny.
Immunan a nagpadespensar ni Jerí para kadagiti pannakitaripnong na, ngem inpasingked na nga awan ti ar-aramiden na.
Gapu iti napasamak, ni Jeri ti maikatlo kadagiti nagsasaruno a nagtugaw a presidente a napadisi iti pwesto kalpasan a sinukatan na ni Dina Boluarte, a na-impeach idi Oktubre ti napalabas a tawen.
