LAOAG CITY – Inbatad ti Presidente ti Rice Board a ni Mr. Recher Ondap a saan a bimmaba ti bilang dagiti mannalon nga agmulmula iti pagay iti baet nga adda ti panagngato ti presyo dagiti produkto nga usaren iti panagtalon.
Ti nagbalin a rakurak ni Ondap ket sinuportaran da Mr. Edwin Cariño, Technical staff on Agriculture kenni Mayor Nicomedes Dela Cruz Jr.iti ili ti Bacarra.
Maipalagip nga immunan nga inpakaammo ni Engr. Ma. Teresa Bacnat a basar iti monitoring na kadagiti agturturong iti opisina da, adon dagiti nagmula iti high value crops imbes a pagay gapo iti nangina a krudo ken abono.
Inbatad na nga 60% laeng ti namulaan ti pagay ditoy probinsya ita a cropping season, nababbaba nu ikompara kadagiti naglabas a tawen.
Kabayatanna, inpakaammo ni Atty. Jennilyn M. Dawayan, Officer in charge ti Regional Executive Director DA-RFO 1, adda iti programa ti gobierno kas iti “Young Farmers Challenge” nga idadaulwan ni Sen. Imee MArcos a mangalalukoy kadagiti agtutubo a sumrek ti benneg ti agrikultura gapo ta ado dagiti mabalin a pamastrekan da usar dagiti baro a makinarya.
Kuna na a nalidem a bumaba ti bilang dagiti mannalon nga agmula ti pagay babaen iti nasao a programa.
Innayon na a mabalin nga ad-adon dagiti mangayat nga agtalon kangrunaan na ti agmula ti pagay gapu ta nalaglag-anen ti trabaho gapu iti baro a teknolohiya.
