LAOAG CITY – Pinaliwkawkawan dagiti soldado ti presidential palace ti Bolivia para iti gandat a kudeta maibusor iti presidente.
Segun ken ni President Luis Arce a konkontrolen ni General Juan Jose Zuniga ti Central La Paz ken Murillo Square.
Inawaganna ni dati a Presidente Evo Morales kadagiti mangsupsuporta kenkuana a makiranget ken lappedan dagiti kalsada.
Mainaig iti daytoy, maipagarup a naplano dagiti soldado ti panangpadas a kudeta.
Kas resultana, naiget a banbantayan ti palasio no sadinno nga awan ti mapalubusan a sumrek.
Manipud idi nangabak ni Morales idi 2005, isun ti immuna a presidente manipud iti indigenous majority a nangiyeg ti radical programme tapno maiturong dagiti extreme social divisions ken inequalities.
Nupay kasta, idi 2019 nagikkat daytoy kalpasan a nilabawanna ti Konstitusion ken pinadasna para iti maikapat a terminona.
Kabayatanna, idi Oktubre 2020, nangabak ni Arce iti kinapresidente ken isublina ti Mas socialist party.
