LAOAG CITY – Manamnama a bumaba ti 20 a porsiento ti presio ti bagas ditoy Pilipinas inton Setiembre, basar ken ni Finance Secretary Ralph Recto.
Segun ken ni Socioeconomic Secretary Arsenio Balisacan a manamnama a bumaba ti presio ti staple grain iti sumaruno a bulan maiyallubog iti global trend.
Iti umuna a paset ita a bulan, inbatad ti Department of Agriculture ti Estados Unidos a ti Pilipinas ket maysa a pagilian a nalawa ti pagmulaanna ket agbalin a kangrunaan nga importer ti bagas iti intero a lubong inton 2025.
Manamnama nga agangkat ti Pilipinas ti nasurok-kumurang a 4.2 a milyon a metriko tonelada ti bagas inton sumaruno a tawen a nasurok iti kagudua ti 1.5 a milyon a metriko tonelada a manamnama a mai-import idiay Indonesia ti kadakkelan nga ekonomia ti Southeast Asia a naipakita iti datos manipod iti USDA.
