LAOAG CITY – Saan a naapektaran iti iduduprak ti Bagyo Julian ti presio ti bagas ken dagiti nateng iti Northern Luzon gapu ta immunan nga inapit dagiti mannalon dagiti produktoda sakbay pay a dimmuprak ti bagyo.
Daytoy ti nagbalin a rakurak ti Department of Agriculture no sadinno a naabisoan dagiti mannalon iti Cagayan Valley, Ilocos Region ken Cordillera Region nga apitendan ti mulada sakbay a dimmuprak ti bagyo.
Inbatad ni Department of Agriculture Assistant Secretary Arnel de Mesa a mapattapatta nga 44 a ribu nga ektaria dagiti naimula a naapit sakbay a dimmuprak ti Bagyo Julian ken pito a ribu nga ektaria laeng ti nabati gapu ta saan pay a mabalin nga apiten dagitoy.
Inadmitir ni De Mesa nga adda ti bassit a pannakalugi kadagiti naimula ngem bassit laeng isu a saan a makaapektar iti presio kadagiti lugar a naapektaran ti nasao a bagyo.
