LAOAG CITY – Bimmagsaken ti 50% ti presio ti kamatis kadagiti kangrunaan a merkado publiko, basar iti report ti Department of Agriculture (DA).
Inbatad ni Department of Agriculture Asec. Arnel De Mesa, manipud iti dati a P240 iti kada kilo iti napalabas a lawas, dumanon laengen iti P120 iti kada kilo ti presio ti kamatis kadagiti tiendaan ita a lawas.
Daytoy ket adayo nga amang manipud iti dati a P350 agingga iti P360 iti kada kilo ti presio iti panagserrek ti tawen 2025.
Immunan nga inrakurak ti Department of Agriculture nga iti panagngudo ti Enero 2025 wenno umuna a paset ti Pebrero 2025, mabalinen nga agsubli iti normal a presio ti kamatis.
