LAOAG CITY – Inpasingked ni Mrs. Bambie Domingo, anak ti agtagikua iti R Domingo’s Dry Goods and General Merchandise iti Laoag City Public Market and Commercial Complex ditoy ciudad ti Laoag a saandan nga ipangato ti presyo dagiti produkto a para paskua kangrunaan na dagiti dekorasyon.
Inlawlawag na a dagiti ilaklako da ket seasonal isut gapuna a kayat na a mailako amin sakbay iti selebrasyon ti paskua.
Inlawlawag na nga awanen ti pagbaliwan ti presyo dagiti produkto da tapno ad-ado dagiti mapan aggatang.
Malaksid iti daytoy, agpapa paylaeng dagiti tattao nga agrekrekobre manipod iti pandemya nga intunda ti covid-19 virus isut gapuna a kasapulan ti naan-anay a konsiderasyon da a negosyante kadagiti consumers.
Inpakaammo na a dagiti ilaklako da a dekorasyon a para paskua ket agbalor iti 50 a pisos agpangato.
