LAOAG CITY – Mariknan dagiti aglaklakko iti ikan ditoy probinsya ti bigla a panagngato ti presyo ti galunggong ditoy pagilyan.
Kunani Rowena Bayang, aglaklako iti San Nicolas Public Market umaboten iti 250 pesos ti presyo ti maysa a kilo ti galunggong manipud iti dati a presyo na 140- 150 iti kada kilo iti napalabas a bulan.
Inbatad na a ngimato iti presyo ti galungong gapu iti pagkurkurang iti suplay iti nasau a klase ti ikan.
Kuna ni Bayang P1,800 iti presyo ti maysa a karton ti frozen a galunggong manipod kadagiti byahero no sadinno a P100 laeng ti maganansya da.
Inbatad na a gapu iti panagkurkurang ti supply ti galunggong ngimmina pa ti presyo dagiti dadduma a klase ti ikan kas iti bangus ken tilapia a rason a manmanu dagiti aggatang kadakuada iti agdama.
Pabor met ni Bayang iti lungalong ti gobyerno nga agangkat ti galunggong tapno saan a ngumato ti presyo na.
Kunana a manmano payen dagiti makalkalap dagiti mangngalap a galunggong.
