LAOAG CITY – Inpasigurado ni Vice Mayor Windell Chua iti ciudad ti Batac a mamonitor a nasayaat ti presyo ti bagas kangrunaan na iti merkado publiko.
Daytoy ket kalpasan nga inkonsiderar ti Sang. Panlungsod a valid ti ordinansa a mangmandar kadagiti rice retailers a mangipan iti presyo ti bagas.
Segun kenni Chua, valid ti ordinansa ken adda laeng dagiti sumagmamano a provision a mainayun iti daytoy.
Mangnamnama ti bise mayor a suruten dagiti rice retailers ti ordinansa tapno maliklikan ti pannakamulta ken agtultuloy a mamonitor ti lokal a gobierno ti Batac ti presyo ti nadakamat a produkto.
