LAOAG CITY – Inbatad ni Mrs. Irene Pascual, maysa kadagiti aglaklako ti itlog iti Laoag City Public Market and Commercial Complex nga addan ti nasurok makabulan sipud ngimmato ti presyo ti itlog.
Kunana a ti kangrunaan a rason no apay a ngimmato ti presyo ti itlog ket gapo iti kangina ti feeds a maipakan kadagiti manok.
Segun kenni Pascual, umabot iti 10 a pisos ti nainayunan iti presyo iti kada tray ti itlog no sadinno iti Large ket 220 a pisos ti bayad ti maysa a tray.
Inlawlawag na nga iti kada pidaso ti itlog, ilako a iti pito a pisos iti kallabes ngem ngimmato isut gapo na nga ilako da iti 22 a pisos iti kada tallo a pidaso.
Gapo iti daytoy, kunana a basar iti obserbasyon na ket bimmassit dagiti gumatang no ikumpara idi saan pay a ngimmato ti presyo na.
Kabayatanna, mangnamnama ni Pascual a saanen a ngumato pay ti presyo ti itlog bayat nga umas-asideg ti bulan ti Disyembre.
