LAOAG CITY –Ituloy intono bigat, Setiembre 28, ti kanayonan a singir ti plete dagiti pampubliko a lugan, bayat a maitultuloy ti transport groups a Manibela ken Piston ti planoda a protesta gapu iti agtultuloy a panagngato ti presio ti produkto a petrolio.
Iti babaen ti naaprobaran a baro a singir ti Land Transportation Franchising and Regulatory Board (LTFRB) iti manipud P13 ket agbalin a P14 iti minimum a plete kadagiti ordinary a jeepney iti tunggal uppat a kilometro. Bayat a ti plete met iti sumaruno a kilometro ket ngumato ti P2.
Imbilin ti Department of Transportation dagiti operator nga agipaskil ti baro a fare matrix ken agtultuloy a mangipaay ti diskuento kadagiti estudiante, senior citizen, ken dagiti persons with disabilities.
