LAOAG CITY – Umabot iti 76 a tattao dagiti naduktalan a primary contact dagiti nagpositibo iti COVID-19 iti ili ti Paoay.
Dagiti nagpositibo ket uppat a residente iti Brgy. Dolores, ken innem dagiti residente iti Brgy. Nalasin iti nasao nga ili.
Segun kenni Dr. Alfredo Domingo, mangidadaulo iti MHO Paoay, umabot met iti nasurok 204 a tattao dagiti secondary contact.
Inpakaammo na a mangawis da iti maysa a miembro iti kada household iti sakop ti 500 meter radius para iti pannakaipadalan ti swab test.
Kuna na a ti kangrunaan a maipadalan iti test ket APOR ngem no bilang awan ket maysa a miembro ti pamilya.
Kinumpirmaran ni Domingo a naipadalanen iti swab test dagiti kabagyan dagiti nagpositibo iti COVID-19 ti Brgy. Nalasin.
Iti sabali a bangir, inlawlawag ti saanen a nainaganan nga empleyado ti lokal a gobyerno a maitudtudo a primary contact a nasabat na iti maysa a kalsada ni IN-C653 a wagas ti exposure daytoy iti nagpositibo.
Karaman ti empleyado a dimmalan iti eksaminasyon ngem awan pay ti naibaga kenkuana a resulta ti swab test daytoy.
