LAOAG CITY – Agtultuloy a sumaysayaat ti salun-at ni Catherine ti Princess of Wales.
Basar iti Buckingham Palace nga agtultuloy ti panagpaagasna manipod iti sakitna a kanser.
Manamnama nga agpakita daytoy iti umuna a gundaway kagiddan ti panagkasangay ni King Charles III.
Inbatadna nga agtultuloy a sumaysayaat ti marikriknana ngem kas kadagiti dumaldalan iti chemotheraphy ket makarikrikna met daytoy ti saan a napintas iti bagina.
Maipalagip nga idi Marso idi inbutaktak ti Buckingham Palace a na-diagnosed daytoy ti kanser.
