LAOAG CITY – Surpresa a napan bimmisita ti Princess of Wales a ni Catherine, kadwa na ti asawa na a ni Prince William iti Southport, no sadinno a nangipatungpal da ti private meeting iti pamilya dagiti pimmusay a tallo nga ubbing iti knife attack idi Hulyo ita a tawen.
Daytoy ti kaunaan a gundaway a nagpakita iti publiko ni Catherine sipud nalpas na ti chemotherapy treatment na gapu iti sakit na a cancer.
Basar iti Royal sources, nagdesisyon ni Catherine a mapanna suruten ni Prince William tapno ipakita ti suporta, pannakipagrikna ken pannakipagladingit iti local community.
Nakisarita pay dagiti agasawa kadagiti emergency responders a timmulong a dagus idi napasamak ti nakaam-ames nga insidente.
Nakita pay ni Catherine nga inarakop na ti sumagmamano nga emergency workers.
