LAOAG CITY – Naglikudan ni Mr. George Alonzo, ti principal ti Navotas Elementary School nga adda ti masingsingir kadagiti nagannak a janitor fee.
Daytoy ket kalpasan nga adda ti reklamo a naawat ti Bombo Radyo nga adda ti bayadan dagiti nagannak a janitor fee.
Iti panagturong ti grupo ti Bombo Radyo iti nasao a pagadalan, inbatad ti principal a ti paggapoan ti sweldo ti janitor ket ti MOOE.
Inbatad na pakairamanan dagiti mangisursuro a saan da nga agpabpabayad gapo ta maiparit daytoy.
Nupay kasta, iti panagsursur ti Bombo Radyo kadagiti nagannak nga agpabpabasa iti nasao a pagadalan ket adda ti baybayadan ti tunggal nagannak a dua a pisos iti inaldaw.
Innayon dagitoy a ti dua a pisos a makolektar ket isu ti napagtutulagan da.
