Saan nga inaprobaran ni Presidente Ferdinand “Bongbong” Marcos Jr. ti probision ti Metro Manila Council a mangingato iti multa gapu iti illegal parking.
Maibatay iti Joint Traffic Circular No. 01 ti Metro Manila Council, ti multa para iti illegal a panagparada ket rumbeng a maipangato iti ₱4,000 manipud iti ₱1,000.
Nupay kasta, agtalinaed iti ₱1,000 gapu ta segun iti presidente ket patienna nga adda kabaelan dagiti Filipino nga agbalin a disiplina.
Nupay maawatan ti presidente ti nasayaat a panggep ti nadakamat a singasing ket kayat ti administrasionna nga ipamaysa ti disiplina imbes a ti pannakaipakat ti multa.
Kabayatanna, kinunana a babaen ti panangipamaysa iti indibidual a responsibilidad ket makapataud ti napaut a solusion ti pagilan iti nakaro a parikut iti trapiko.
