LAOAG CITY – Ipangpangruna a solbaren ni Sen. Imee Marcos dagiti problema dagiti mannalon ken mangngalap ditoy pagilian .
Segun kenni Marcos, kurang paylaeng ti maipapaay nga abuno ken krudo kadagiti mannalon ken masapol nga hybrid seeds ti maipaay kadakuada.
Kunana a masapol ti panagtitinulong tapnu ad-adda pay a mapapintas iti benneg ti agrikultura ditoy pagilyan.
Innayon na nga adda dagiti naipaayan ti hybrid ngem adda dagiti agrekreklamo nga inbred ti naited nupay napintas met daytoy.
Inbatad na a saan a dole out ngamin ti masapol dagiti ilokano no di ket masapol nga adda gumatang kadagiti patanurda nangruna ket nababa ti presyo ti irik ken adda pay ti importasyon .
Kabayatanna, patienna a masapol ti ad-ado pay nga small water impounding dam small farm reservoir ken maikkan dagitoy ti ikan sipod ta umad adon dagiti nasao a produkto iti ilocos coast.
