LAOAG CITY – Inaprobaran ti Kamara de Representantes iti maikatlo ken maudi a gakat a mangipaay kadagiti estudiante iti public ken private school iti higher education institutions ti libre nga access iti digital textbooks ken libre nga high-speed Wi-Fi iti campus.
Gagem ti House Bill No. 9532 wenno proposed “Universal Access to Digital Academic Learning Resources Act” a masungbatan ti inequalities iti access iti learning materials ken reliable internet connectivity basar ken ni House Speaker Faustino “Bojie” G. Dy.
Naaprobaran ti House Bill 9532 iti maikatlo a pannakaibasana nga adda ti 202 nga affirmative votes, zero negative votes ken zero abstentions.
Mainaig iti daytoy, ti National Academic Content Repository (NACR) ket naipatakder iti babeen ti Commission on Higher Education (CHED), iti pakibinnuligan iti Department of Information and Communications Technology (DICT) ken higher education institutions.
Mangipaay daytoy kadagiti estudiante ken faculty iti pakabuklan a pagilian ti libre nga online access iti digital textbooks, lecture videos, syllabi, research papers ken open educational resources iti nagduduma a discipline.
Nangipaay daytoy ti mandato a libre ti campus-wide high speed Wi-Fi kadagiti estudiante ken faculty iti public ken private HEIs ken ti prioridad ket maipaay iti rural ken under-resourced campuses iti inisyal nga implementasion.
