LAOAG CITY – Agkurkurang dagiti prosecutors iti City Prosecutors Office ditoy ciudad ti Laoag.
Daytoy ti inbatad ni Atty. Jifford Tumaneng, ti Officer In Charge iti City Prosecutors Office ditoy ciudad.
Inpakaammo ni Tumaneng a problema da no siasinno ti mangtengngel kadagiti sumagmamano a kaso a naibati ni Atty. Lourdes Layugan kalpasan a nagretiron daytoy.
Malaksid iti daytoy, adda pay dagiti piskal a nag-inhibit iti sumagmamano a kaso.
Nupay kasta, inpasigurado ni Tumaneng a saan a makaapektar daytoy iti pannagna dagiti nasao a kaso gapu ta ibirbirukan da ti solusyon.
