LAOAG CITY – Saan a nagsanud dagiti protesters iti government crackdown, imbes ket ad-adda pay nga inokupar da dagiti kalsada idiay Iran.
Rumrumuar a ginasuten a tattao ti natay ken naruay a sabsabali dagiti nasugatan iti napalabas a tallo nga aldaw a pannakaisaysayangkat ti nadamsak a tignay protesta iti nadakamat a pagilian.
Inpetteng ti Attorney General ti Iran a siasinno man nga agisaysayangkat ti tignay protesta ket ikonsiderar da kas kabusor ti Diyos nga adda ti kaibatugan na a pannusa a dusa a patay.
Mainaig iti daytoy, nagpangta ni US President Donald Trump a rauten da ti Iran no rugyan da ti agpatay kadagiti tattao.
Nupay kasta, nagballaag met ti pannakangiwat ti parliament idiay Iran a n rumaot ti Amerika ket agbalin a lehitimo a puntirya da dagiti military ken shipping bases ti Estados Unidos iti rehiyon.
