LAOAG CITY – Nagballaag ni Dr. Loida Valenzuela, provincial veterinarian, kadagiti aglaklako ti karne ti baboy agraman kadagiti aglaklako iti online.
Daytoy ket seknan kadagiti report iti sabali a lugar a pannakakumpiskar kadagiti karne ti baboy a naapektaran ti African Swine Fever rason nalaka ti presyo na.
Inbunannag na nga adda pay ti guidelines nga inparuk-at ti National Meat Inspection Service para kadagiti aglaklako ti online ken mabalin a mailungalong tapno mapagbalin nga ordinansa a suruten dagiti maseknan.
Innayon na a babaen iti daytoy, dakkel a banag a makatulong ken makasalwad nangruna no naggapu iti sabali a lugar dagiti karne ti baboy.
Kabayatanna, inbalakad ni Valenzuela a ti kapintasan a panaglako ti baboy ket agdagsen iti 90 a kilo agingga ti 110 a kilo gapu ta maibilang a primera ti karne dagiti baboy.
