LAOAG CITY – Irubuat ti Provincial Action Plans kadagiti 10 a probinsia ditoy pagilian a sakupen iti intero a West Philippine Sea ita a bulan ti Mayo.
Daytoy ket kas suporta iti panangikagumaan ti pagilian iti baet dagiti tension iti nasao a kabaybayan.
Segun ken ni Department of the Interior and Local Governent Assistant Sec. for International relations Lilian de Leon, dagiti probinsia ti Pangasinan, La Union, Ilocos Norte, Ilocos Sur, Batanes, Bataan, Zambales, Batangas, Palawan ken Occidental Mindoro ket agar-aramidda ti action plans maipapan iti West Philippine Sea.
Mangrugi ti roll out ti nasao a Provincial Action Plans ita a Mayo 2024 para iti panangipatungpal ken institutionalizaton ti katulagan iti naisayangkat a kaunaan a National Summit for the West Philippine Sea a gagem a papigsaen ti lokal a liderato ken governance pakairamanan dagiti komunidad.
Kabayatanna, nasurok 500 nga opisial manipod kadagiti 115 a munisipalidad ken 9 a siudad iti 10 a probinsia, civil society groups ken miembro ti academe ti agatendar iti summit.
