LAOAG CITY – Binalakadan ni Provincial Director Police Senior Inspector Jose Melencio Nartates Jr. ti publiko nga agridam kadagiti pagturturungan a lugar iti daytoy holy week.
Inlawlawag ni Nartates a namnamaen da nga ado manen dagiti turista nga agturong ditoy probinsya iti daytoy semana santa.
Gapu ti daytoy, inbatad na ti naiget a koordinasyon da kadagiti Local Government Units (LGUs) ken tourism offices ditoy probinsya.
Innayon ni Nartates a ti kangrunaan a pagideployan da ti dakkel a bilang dagiti kameng ti pulisya ket dagiti lugar a patyen da a pagdudupudupan dagiti ado a turista ken umili.
