LAOAG CITY – Malidayan ni Fire Supt. Floro Obrero, ti Provincial Fire Marshall ditoy Ilocos Norte nga adda dagiti sumagmamano a fire station ditoy probinsya ti nakalockdown.
Segun kenni Obrero, dagiti amin a kameng ti BFP-Paoay ket exposed iti kadua da a personnel a positibo iti covid-19 rason a dumaldalan da iti station quarantine.
Inlawlawag na a ti mangannong pay laeng a temporaryo iti trabaho dagiti personnel ket ti Currimao, Laoag ken Batac Fire Station.
Inpetteng na a dagiti personnel ti BFP-Laoag ket mabalin nga agresponde no adda man ti mapasamak nga uram ngem maiparit pay laeng ti office transaction.
Karaman pay a nakalockdown a fire station ket ti iti ili ti Bacarra gapo ta dagiti dua a personnel ket naka-isolate kalpasan a nagpositibo iti covid-19.
Kunana a dagiti dadduma a personnel iti BFP-Bacarra ket negatibo iti covid-19 idinto nga adda pay ti tallo a maiyur-uray a resulta.
Mainaig iti daytoy, ita nga aldaw ket malift met ti pannakalockdown ti stasyon a nangrugi idi Hulyo 9 ken negatibo iti virus dagiti personnel.
