LAOAG CITY – Agtultuloy iti pananggugitot ti Provincial Health Office kadagiti nagannak a pabakunana dagiti annak na kontra iti Human Papilloma virus babaen wenno ti school based immunization program.
Segun kenni Dr. Rickson Balalio, mangidadaulo ti Provincial Health Office, naruay kadagiti nagannak ditoy probinsia ti mabuteng nga ipabakuna dagiti annak da.
Inbatad na a ti kangrunaan nga ar-aramiden ti opsina da ket ti panangilawlawag a nasayaat no ania dagiti napintas nga epekto ti panagpabakuna.
Kunana a nasayayat a mapabakunaan dagiti ubbing tapno maiyadayo dagitoy kadagiti nagduduma a klase na a sakit.
Innayonna a dakkel a tulong ti libre a bakuna ken saan dan nga aggastos no gatangen da kadagiti pribado nga ospital gapo tan angina.
Kabayatanna, mangnamnama ni Balalio ii panangsuporta dagiti nagannak iti programa tapno agtalinaed dagiti ubbing a nasalun-at.
