LAOAG CITY – Kalikagum ti Provincial Health Office a maipaayan ti anti-flu vaccine ti amin nga empleado iti gobierno probinsyal.
Daytoy ti inpakaammo ni Dr. Rickson Balalio, ti mangidadaulo iti Provincial Health office ditoy probinsya.
Inbatad ni Balalio a daytoy ti maysa a kangrunaan a kalikagum da nga aramiden iti umay a tawen gapo ta mamati a ti pannakaipaay ti anti flu-vaccine ket makatulong tapno agbalin a natalged ken nasalun-at dagiti empleyado ti gobierno probinsial.
Innayon na a babaen iti daytoy ket makapagtrabaho a nasayaat dagiti amin nga agpapaay iti kapitolyo probinsyal.
Kunana nga iti agdama ket sumagmamano laeng dagiti empleyado ti gobierno probinsyal ti maipapaayan ti nasao a bakuna gapo ta limitado ti pondo ken nu dadduma ket mangnamnama da laeng kadagiti mabati a bakuna manipod iti Department of Health.
