LAOAG CITY – Agtultuloy iti panangiwayat ti Provincial Nutrition Action Office ti Nutrition Education Program ditoy probinsya.
Daytoy ti inpasigurado ni Mrs. Elma Irapta, ti mangidadaulo ti Provincial Nutrition Action Office iti kapitolyo probinsyal.
Inbatad ni Irapta a karaman a maiyuswat iti nasao a programa ket ti pannakaipatungpal ti training kadagiti kameng ti Brgy. Nutrition Committee maipanggep iti usto a panagaramid iti brgy. nutrition plan.
Innayon na a gagem ti nasao nga addang a masursurwan dagiti maseknan a mangiwanwan ti nutrition program ken masolusyonan dagiti problema ti salun-at iti kabukbukodan da ken saan nga agdepdependar iti sabali nga opisina.
Kuna ni Irapta a napinpintas daytoy gapo ta nalaklaka da a mamonitor ti bukod da a lugar ken kabisado da no ania dagiti problema a kasapulan a maiprayoridad a masolusyonan.
