LAOAG CITY – Naragsak nga inpakaammo ni Mr. Marcel Tabije, mangidadaulo ti Provincial Disaster Risk Reduction and Management Office a mangi-deploy ti Provincial Tourism Office ti Tourism Ambassadors para kadagiti tourist destination ditoy probinsia.
Inlawlawagna a babaen iti daytoy ket adda ti mangbayabay kadagiti turista wenno gangannaet kabayatan ti panagbisitada ditoy probinsia.
Inbatadna a maysa pay daytoy a wagas tapno maipasigurado nga awan ti dakes a mapasamak kadagiti umay bumisita ditoy probinsia kasta payen ti kinatalged dagitoy.
Kunana a maiyuswat daytoy nga addang ti gobierno probinsial kagiddan iti pannakaobserbar ti Semana Santa.
