LAOAG CITY – Kalikagum ti Provincial Veterinary Office a maipasubli ti Quiz Bee Program, Seminar ken Training kadagiti pagadalan iti nagduduma nga ili ken siudad ditoy probinsia iti tunggal ti bulan ti Rabies Awareness Month.
Segun ken Dr. Loida Valenzuela, Provincial Veterinarian, dati nga adda iti kompetision maipanggep iti rabies awareness ken ti dadduma pay nga isyu ken topiko ngem in-inot a naawan daytoy.
Inbatadna a kasapulan a masaganaan ti dua a bulan sakbay a maiyuswat ti pasalip tapno awan met laeng ti tumaud nga aniaman a problema.
Mamati ni Valenzuela a babaen iti daytoy ket maiparipirip kadagiti estudiante ti kinapateg ti rabies vaccination ken maamoanda pay ti pakasaritaan iti nasao a banag.
