LAOAG CITY – Mangidiaya ti Provincial Veterinarian Office iti libre a bakuna kontra rabies ditoy probinsya.
Segun iti Provincial Veterinarian a ni Dr. Loida Valenzuela, ti nasao nga addang ket paset iti Rabies Month Celebration ita a bulan ti marso.
Kagiddan iti daytoy ket ginutigot na dagiti pet owners a gundawayan da ti nasao a programa.
Kunana nga agturong laeng dagiti maseknan iti nasao nga opisina tapno mabakunaan dagiti taraken da nga aso ken pusa.
Inpakaammo ni Valenzuela a ti nasao a programa ket agtultuloy agingga nga agngudo ti agdama a bolan ti Marso.
