LAOAG CITY – Saan a nagun-od ti Philippine Statistics Authority (PSA) ditoy probinsya ti target da a bilang dagiti agparehistro para iti national ID ita a tawen.
Daytoy ti inbatad ni Mrs. Marilyn Vergara, ti chief statistician ti nasao nga ahensya.
Segun ken ni Vergara, ti target da a mapagrehistro koma ket 400 a ribo ngem nasurok laeng a 200 a ribo dagiti nakarehistro iti National ID ditoy probinsya.
Inlawlawag na a ti patien na a rason no apay a bassit dagiti napan nakarehistro ket gapu iti pandemya a gubuay ti covid-19 virus no sadinno a
Naglockdown dagiti nagduduma nga ili iti sumagmamano a bolan.
Nupay kasta, inpakaammo ni Vergara nga iti national ket nagun-od ti target ti PSA a 50-milyon a nagparehistro para iti national ID ita a tawen.
