LAOAG CITY – Nagpalagip ti Public Health Unit iti publiko ti naan-anay a panagan-annad tapno maliklikan ti drowning incident.
Segun ken ni Dr. Gretchen Ranada, Provincial Health Unit, kangrunaan a malmalmes ket dagiti ubbing rason a nagballag daytoy a kasapulan a bantayan dagiti nagannak dagiti annakda.
Inbatadna a saan a maliklikan nga adda ti maiyuswat a panagiinum isu a masapul a liklikan a mapan aglangoy gapu ta napeggad daytoy a mangintunda ti pannakalmes.
Inlawlawagna a nangikabildan ti signage wenno pagilasinan kadagiti lugar a maibilang a naadalem wenno high risk iti drowning incident.
Kabayatanna, inpakaammo ni Ranada a ngimmato ti rate ti drowning incident ditoy probinsia no idasig iti napalpalabas a tawen.
Naammoan a ti kangrunaan nga ili nga adda ti mapaspasamak a pannakalmes ket iti ili ti Bacarra, Pagudpud, Solsona, Vintar ken Dingras.
Iti agdama, manarimaan ti koordinasionda iti gobierno probinsial tapno maipadanon kadagiti nagduduma a lokal a gobierno ditoy probinsia ti panangipakaammo mainaig iti drowning prevention.
