LAOAG CITY – Naiwayat iti public hearing maipanggep iti maysa a draft ordinance a mang-regulate kadagiti merchants nga aglako iti nagduduma a produkto da pakairamanan dagiti farm products iti naikeddeng a lokasion ditoy suidad ti Laoag iti pannakaurnos dagiti tents nga usaren da.
Segun kenni Konsehal Juan Conrado Respicio II, chairman ti Committee on Ways and Means, a napintas iti nagresultaan iti nasao nga hearing gapu ta awan dagiti nangkontra iti dayto a draft ordinance.
Inlawlawgna a ti pannakaaramid daytoy nga ordinansa ket tapno maitandudo ken matulungan dagiti Micro, small, and medium enterprises (MSMEs) ditoy suidad ti Laoag.
Inbatad na nga adda pay ti oras ken aldaw iti panaglako laeng dagitoy iti paset iti Bonifacio Street.
Kabayatan,na kuna ni Respicio a no aprobaran ti konseho ti nasao nga ordinansa ket addan to dagiti pagalagadan a kasapolan a suruten dagiti merchants.
