LAOAG CITY – Inrekomendar ni Senador Risa Hontiveros ti panangipila ti kaso kadagiti public officials a karaman iti iligal nga aktibidad dagiti Philippine Offshore Gaming Operators (POGO) ken ti panangipaay ti proteksion ken ni dati a Mayor Alice Guo.
Daytoy a singasing ni Hontiveros ket naipalaon iti Committee Report 514 a nakailanad ti findings ti inwayat nga atiddog nga imbestigasion ti Senado iti human trafficking ken dagiti krimen ti Philippine Offshore Gaming Operators scam hubs.
Dakkel ti pammati ti Senadora a saan nga agballigi dagiti Philippine Offshore Gaming Operators no awan ti protektorda manipud iti gobierno.
Kiniddaw ni Hontiveros ti naun-uneg nga imbestigasion kadagiti ties wenno dagiti adda ti pakainaiganna iti Philippine Offshore Gaming Operators scam hubs kadagiti government officials.
Kabayatanna, nairekomendar pay iti report ti panangipataw ti nangatngato a multa kontra kadagiti public officials a karaman iti panangpeke kadagiti dokumento iti civil registry ken dagiti identification documents.
