LAOAG CITY – Marugyan ita nga aldaw ti publication ti guidelines para iti umuna a bansada ti umento iti sweldo dagiti government workers.
Gagem daytoy a masurot ti naikari a period para iti pannakaipatungpal ti maysa a linteg.
Daytoy ket kalpasan a nangipaay ti “go signal” ti Department of Budget and Management (DBM) kadagiti ahensya ti gobyerno nga ipaayen ti nayun a sweldo kadagiti empleado da.
Segun ken ni Budget Secretary Amenah Pangandaman, napirmaanen ti guidelines para iti salary increase adjustments kadagiti empleado ti gobierno.
Inlawlawag ni Pangandaman a no iti isyu ti pondo nga usaren, maala daytoy iti personnel services budget dagiti ahensya ken no agkurang ket manayunan manipod iti miscellaneous personnel benefits fund.
Nupay kasta, nakadepende paylaeng iti kaalisto ti panagiproseso dagiti Human Resources Department ti kada ahensya ti gobyerno a masakupan ti linteg.
