LAOAG CITY – Nagballaag ni Senador Sherwin Gatchalian iti publiko iti panagusar kadagiti Christmas lights ken dadduma pay a dekorasion iti paskua a kasapulan ti kuriente.
Daytoy ket tapno maliklikan ti uram iti katengngaan ti panangselebrar ti paskua.
Inbatad ni Gatchalian, ita nga holiday season ket nasken nga ipangpangruna ti kinatalged dagiti pagtaengan ken komunidad.
Ballaag pay ti senador, dagiti faulty wirings, overloaded outlets ken dagiti saan a maug-ugsot a dekorasion ket mabalin mangitunda ti insidente imbes a ragsak.
