LAOAG CITY – Nagballaag ti Department of Agriculture (DA) kontra iti avian influenza (AI) wenno bird flu vaccines a mailaklako iti online.
Segun ken ni Agriculture Assistant Secretary Arnel de Mesa, immunan a nangiruar ti Bureau of Animal Industry (BAI) ti kapada a pakdaar kontra iti avian influenza vaccines a magatangen kadagiti nagduduma nga online shopping platforms.
Iti maysa nga online platform, mailaklako ti 100ml ken 200ml ti AI H5N1 vaccine doses iti balor a P423 agingga iti P790.
Kunana a mabalin a mangitunda ti peggad ti panagusar ti unregulated products kas ti bird flu nga highly pathogenic.
Kabayatanna, manarimaanen ti pannakikoordinar ti Department of Agriculture iti Food and Drug Administration tapno naan-anay a masolbar daytoy.
